Loading...

ԲԱՐԻ ԳԱԼՈՒՍՏ


ՓԱԿԵԼ

Կույր տղամարդն ավտովթարից հետո սկսել է կրկին տեսնել

 

 
 
 
 

Լեհաստանում մեքենան հարվածել է կույր տղամարդուն, որից հետո նա նորից սկսել է տեսնել: Այս մասին տեղեկացնում է РИА Новости գործակալությունը` հղում անելով լեհական Polsat News հեռուստաալիքին:

Յանուշ Գորայը կուրացել էր 20 տարի առաջ, երբ նրա մոտ ալերգիկ ռեակցիայի հետևանքով խնդիրներ էին առաջացել աջ աչքի ցանցաթաղանթի հետ, իսկ ձախ աչքը կարողանում էր տարբերակել միայն լույսն ու առարկաների ձևը:

Ճանապարհատրանսպորտային պատահարից հետո նրան տեղափոխել են հիվանդանոց, որպեսզի բուժեն ազդրի կոտրվածքը: Նա այնտեղ անցկացրել է երկու շաբաթ, իսկ երբ դուրս է գրվել, հասկացել է, որ երկու աչքով էլ տեսնում է: Բացի այդ, նրա տեսողությունը գրեթե իդեալական է դարձել:

Բժիշկները չեն հասկանում, թե ինչպես է դա տեղի ունեցել, քանի որ տղամարդը հրաժարվել է մասնակցել հետազոտություններին: Անձամբ Գորայը հակված է կարծել, որ տեսողությունը վերականգնվել է գլխով երկու հարվածի արդյունքում` սկզբից մեքենային, հետո` ասֆալտին:

Loading...